Wilfried Zaha an vau?

Crystal Palace forward Wilfried Zaha chuan Pathianni zana Arsenal nen an inhnehtawk hnuah auh nawmnah a tawh thu a sawi a, a nunna atana hlauhawm thei tur khawp vauna a tawh thu a sawi tel bawk.

Palace khelmualah Gunners an chak ngei dawn niin a lang hman tawh a, mahse hun tawp dawnah Granit Xhaka chuan Zaha a tihtluk avangin penalty a chawi, captain Luka Milivojevi-a'n khung zuiin 2-2 in an inhnehtawk - a zawna match 11 chak tawh Unai Emery naute an chak zawh loh phah a ni.

Kum 25 mi Zaha chuan, "Ka chunga ṭawngkam mawi lo tak tak hmang tute, kei leh ka chhungte thi tura min duh hial tute kha inchhungkuain hun duhawm in hman ka duhsak che u a, min huatna leh elrelna karah hian hun ṭha ka la hmang ve zel e," tiin thu thiam takin amah auel tute a kap let.

EPL 2014-14 season aṭanga chhutin Leicester City striker Jamie Vardy (13) chu penalty hlawh chhuak hnem ber a ni a, England international tih lohah chuan Zaha (11) leh Raheem Sterling te chu penalty hlawh chhuak hnem an ni leh bawk.