Mahrez hoin Algeria an tling

Manchester City winger Riyad Mahrez awmna Algeria chuan Zimbabwe chu 2-2 in an inhnehtawkpui a, 2021 Africa Cup of Nations khel tura inhlangkai ram pathumna an ni.

Thawhṭanni zan inkhelah Algeria tan Mahrez leh Andy Delort ten goal an khung, mualneitu Zimbawe lamin goal hnih an phurh hnuah Knowledge Musona leh Prince Dube hmanga sutin an inhnehtawk.

Africa Cup of Nations khel tur hian a thlengtu Cameroon chu tling chiangsa an ni a, Sadio Mane awmna Senegal an tling tawh bawk - tunah chuan Algeria an tling ve leh ta chiah.

Confederation of African Football chuan AFCON 2021 hi Covid-19 vangin January 2022 aṭanga khelh ṭan turin a hun hi an lo sawn tawh.