MLS MVP: Rooney vs Zlatan

Manchester United striker hlui pahnih Wayne Rooney leh Zlatan Ibrahimovic te chu Major League Soccer-a player ṭha ber chawimawina MVP Award dawng thei tura chhawpchhuah an ni.

Striker pahnih hi MVP chauh ni loin Newcomer of the Year chawimawina pawh dawng thei turin chhawpchhuah an ni a, Swedish striker Zlatan hi Comeback Player of the Year chawimawina dawng thei turin tih a ni bawk.

Kum 33 mi Rooney hian DC United a zawm hnuah match 20 khelin goal 12 a khung a, assist vawi sarih neiin MLS playoff khel turin a club hi a inhlankaipui.

Kum 37 mi Ibra hian LA Galaxy tan match 27 khelin goal 22 a khung a, assist vawi 10 a nei bawk. Mahse, Paris Saint-Germain, AC Milan leh Barcelona striker hlui hian MLS playoff-ah erawh Los Angeles club hi a inpetkaipui zo lo.