Semifinal khelh tum Chawnpui

Zanin dar 7:00 hian Chawnpui FC-in Lammualah Bethlehem Vengthlang FC an hmachhawn dawn.

Chawnpui hian match hnuhnung pahnihah Mizoram Police leh Chanmari FC te an hneh avangin semifinal beiseina a nung thar.

Coach Laldinthara chuan, "Chanmari nen point thum kan hmuh avangin semifinal sawi ngam ve tawh tur ka ni. Player-te hnenah pawh a sang palia tel kan duh thu kan sawi tawh," tiin semifinal khelh an tum thu a sawi.

Amaherawhchu an khingpui tur BVT hian an match hnuhnung berah Chawnpui ang thoa semifinal khelh tum Electric Veng an hneh a, relegate pumpelh an duh avangin ṭan chhan tur an la nei bawk.

Team pahnih hi an intawn hmasak ṭumin 1-1 in an inhnehtawk.