India-ah Anderson rawn kal dawn

2nd November, 2018

Mipa tennis world number 6 Kevin Anderson chuan season thar hian India ramah inelna a hmachhawn dawn, South African player ṭha hian Maharashtra-a khelh tur Tata Open-a a inlan tur thu a ti chiang.

Kumin khan a vawi khat nan Tata Open hi khelh ṭan a ni a, ATP hnuaiah hian 250 event huangah a tel nghal. A hmasa berah hian Anderson hi a inlan tawh a, final-ah Gilles Simon a ngam lo.

Anderson hi kum 32 mi a ni tawh nachungin tunlai player ṭha leh hmuhnawm a la tling, season tawpa a thiam pariat inelna tur ATP Finals-a inlan tur pawhin a tling tawh a ni.