ATK beng daitu Bengaluru FC

Chennaiyin FC an hneh hnua an phur vanglai takin ATK chu beng daihin an awm a, Bengaluru FC chuan Kolkata club hi Nilaini zan khan 2-1 in an hneh.

ATK tan rawlthar duhawm Ko­mal Thatal chuan minute 15-na lekah goal mawi bik khungin Kolkata club hi hma a hruaipui a, Salt Lake Stadium-ah mipui thawm a ring hle.

Mahse, ATK ṭantute an lam reng bik lo. Minute 45-naah Miku a inlar a, Getafe striker hlui hian player class sang a ni tih pholangin freekick aṭangin mawi zetin an si phurh a sut.

Bengaluru tan Erik Paartalu chuan second half minute hnih­naah an goal hnihna a khung ve leh a, ATK lamin a chhanletna tur an neih loh avangin mualneitu team an tlawm.

Kolkata club tan Ricky Lallawm­awma chuan inkhel bul a ṭan a, Durtlang tlangval hian minute 90 chhung khelmualah hun a hmang.

Zanin dar 7:30-ah ISL inkhel pa­khat a awm dawn a, Pune City chuan Kerala Blasters an mikhual ang.