India U15 chak zo lo

Mizo rawlthar paruk telna India Under 15 chuan SAFF Under 15 Championship-ah final an lut zo lo a, nimin khan semifinal-ah Bangladesh an hneh lo.

India hian minute 17-na lekah Harsh Patre hmangin goal hmahruai an khung a, mahse Bangladesh hian hun pek belhah Ashkul Rahman penalty hmangin an chhanglet.

Penalty hmangin chak zawk zawn zui a ni a, India-in an penalty pet hmasak pahnih an hlah hnuah Bangladesh-in an pet goal vek thung a, 4-2 in an chak ta a ni.

India U15-ah hian Mizo rawlthar Lalpekhlua Jongte chu captain a ni a, semifinal-ah chance tam a siam chungin goal-ah erawh an vannei thei lo.

# Hming Veng/Khua Position Academy
1 TC Vanlalruatfela Electric Veng, Lunglei Forward Tata Trusts COE
2 Lalchhanhima Chawnghlut Chite Veng, Aizawl Midfielder Aizawl FC
3 P.Lalrampana Ramthar, Lunglei Right Back SAIL
4 Samuel Lalrinsanga Bazar Veng, Lunglei Midfielder SAIL
5 Lalpekhlua Jongte Ramthar, Lunglei Midfielder SAIL
6 Fredy Chawngthansanga Cherhlun Midfielder Bengaluru FC