Italy tan chak a ṭul

Italy-in zanin dar 1:15-ah Bosnia-Herzegovina an tlawh dawn a, Azzuri tan UEFA Nations League finals lut turin chak ngei a ṭul. Chutihrualin an chak ta lo a nih pawhin Poland leh Netherlands inkhel result a zirin an la tling thei bawk. 

Azzuri coach Roberto Mancini chu Covid-19 positive vanga a in quarantine mek avangin assistant coach Alberigo Evani hoin an khel. An inkhelhna tur hmun hi Bosnia khawpui Sarajevo a ni a, Italy-a an inkhelh hmasak ṭumin 1-1 in an inhnehtawk.

Italy hi vanduai thei an ni a, chutihrualin a êng zawnga thlir chuan an match hnuhnung berah inkhel thunun chungin Poland 2-0 in an hneh. Bosnia hian an intawn hmasak ṭuma goal khungtu leh player pawimawh Edin Dzeko chu Covid-19 vanga a la inkhunghran mek avangin an chhawr thei lo a, Netherlands lakah 3-1 a tlawm hlim an ni bawk.

Azzuri hian kumin September thlaah Bosnia lakah point khat chauh hlawh chhuak mah se Euro 2020 qualifier-ah erawh vawi hnih an hmachhawnah hnehna an chang ve ve. Football ram ropui zinga mi Italy tan finals kawng a inhawng zau viauah a ngaih theih.