Sarri hnuaiah Morata-a'n khelh nuam a ti

Chelsea striker Alvaro Morata chuan coach Maurizio Sarri hnuaia khelh nuam a tih thu a sawi a, hma an sawn zel chuan an tan nomawi a hnaih thu a sawi bawk.

Spanish striker hian season ṭantirah beisei a phak lo a, Oliver Giroud chu a aiah thlan ṭhin a ni. Mahse, tun hnaiah ngai a awh chho - a match hnuhnung pangaah goal thum khungin a match hnuhnung pasarihah vawi nga inkhel bul a ṭan.

Morata chuan, "Tunah chuan nuam ka ti leh tawh takzet. Game tam zawk khelha goal tam zawk khung zel ka duh a, a pawimawh ber erawh team-in hnehna kan chan zel hi a ni... nomawi zawng zawng chawi thei dinhmunah kan ding a ni," a ti.

Pound maktaduai 60 man striker hian season hmasa khan match 48-a khelhah goal 15 a khung a, tun season-ah match 14 khelin goal li a khung tawh.

Chelsea hian Pathianni zan dar 9:30-ah Premier League match an khel dawn a, Crystal Palace an mikhual ang.