President's Cup 2018 Bawngkawn South an champion nghal!

Mizorama cricket inelna ngaihhlut hlawh President's Cup final chu nimin khan Durtlang khelmualah khelh a ni a, Bawngkawn South chuan Chanmarians barakhaihin wicket thumin an hneh a, an champion.

Thutlukna dik

First division-a inhlangkai hlim Bawngkawn South-in vawm hmasak an thlang a, an thlang sual lo. Chanmarians chuan over 15.3-ah run 77 chiah siamin wicket an hloh vek - TC Laledenthara chuan Bawngkawn South tan wicket thum lain run 12 chiah over thumah a pe a, man of the match-ah thlan zui a ni.

Bawngkawn South-in an target umpha turin hun an duh rei lo. Over 18-ah wicket sarih hlohin run 78 an siam a, wicket thumin hnehna an chang.

Raihan a mawina

Kulikawn CC batsman ṭha Raihan Jaleem Mazumder chu Player of the Series atan thlan a ni a, best batsman atan thlan a ni tel bawk. Raihan hian match ruk khelin run 267 a siam a, match khata run 53.40 zel siam ang a ni.

Best bowler atan Indra Kumar Chhetri chu thlan a ni a, Gorkha CC bowler hian match vawi thum a khelhah wicket 10 a la thei.

Inkhel Result
Bawngkawn South 78/7 (18) bt Chanmarians CC 77/10 (15.3)
*Wicket thumin Bawngkawn South CC an chak
Mimal Lawmman
Best Bowler Indra Chhetri, Gorkha CC
Best Batsman Raihan Mazumder, Kulikawn CC
Player of the Series Raihan Mazumder, Kulikawn CC