Poland hmaah Netherlands

Zanin dar 1:15-a inkhel tur Poland leh Netherlands ten Nations League finals an la lut thei a, amaherawhchu team pahnih hi Bosnia-Herzegovina kutah an innghat. 

Poland hian head to head-ah Italy an ngam loh avangin Oranje an hneh a nih pawhin finals lut tur chuan Bosnia-in Azzuri an hneh a ngai dawn. Netherlands tan pawh chak ngei a ṭul a, Bosnia-in Italy point an chhuhsak a ngai bawk.

Oranje hian Frank de Boer hnuaia match nga an khelhnaah chak hmel an hmu chauh a, chutihrualin an result aṭangin hma an sawn zel a tih theih bawk. 

De Boer-a'n Bosnia an hneh ṭumin Donny van de Beek chu bench-ah a dah a, match an khelh zawn tam avangin Spain laka goal khungtu Manchester United midfielder hi Poland nen Davy Klaassen aiah a luh rinawm.

Poland-in inkhel pawimawhah Italy an hneh lo a, striker ṭha Robert Lewandowski pawhin an khel ṭha lo tih a pawm. Jerzy Brzeczek hoten insiamṭhat an tum dawn a, khualmuala an hneh tawh loh Netherlands hi an mualah hneh ngei an tum ang.