India-in West Indies an sawp

India chuan West Indies nen ODI match nga khelin 3-1 in series an la. Ningani inkhelah West Indies chu toss-ah chakin bat hmasak an thlang a, India bowler-ten an hming ṭhat phah.

Mikhual team aṭangin Marlon Samuels (24 runs) leh Jason Holder (25) te chiahin run 20 an vaw kai a, player pathum run siam loin an thi. Indian bowler ten West Indies chu over 31.5-ah run 104 chauh an siamtir a, Ravindra Jadeja chuan run 34 pein wicket li a la.

India tan an hmaa target awm khum hi a harsa lo a, opener Rohit Sharma chuan run 63 an siam a, Virat Kohli chuan thi loin run 33 a siam ve bawk. Over 14.5 lekah wicket khat chauh hlohin run 105 siamin an khum nghal a, 9 wickets-in hnehna an chang.