Vichai tana khel tur Leicester

Leicester City chuan helicopter chesual vanga an club neitupa Vichai Srivaddhanaprabha thih hnua an match hmasa ber chu zanin dar 8:30-ah an khel dawn a, Premier League-ah Cardiff City an lenchilh dawn.

Foxes manager Claude Puel chuan, "Tun kar chhung khan kan rilruah football-in hmun a chang meuh lo. Mahse, tun leh nakin zel atan chuan, he club tana engkim titu chawimawi nan kan theihna zawng zawng nen kan khel dawn a ni.

"Result hi a pawimawh ber a ni lo a, mahse kan chairman tana kan inpekna leh kan tuihalna hi a pawimawh ber chu a ni. Ka player-te training lai ka hmuh hnuah an chungah rinna ka ngah lehzual a ni," tiin a sawi.