Vietnam-ah MotoGP tlan dawn

Khawvela car intlan­siakna sang ber Formula 1 chu 2020 aṭangin Vietnam khawpui Hanoi-ah tlan ṭan a ni dawn, sorkar thupuangtu lam chuan F1 an thlen theih tur thu hi an puang chiang tawh a ni.

Vietnam sorkar thu­puangtu Mai Tien Dung chuan, "Hanoi khaw thuneitute biak an ni a, anni hian an mipui cheng mekte him zawkna tur leh ṭhatna tur zawk an ngaihtuah fel hnuah, he intlansiak hi an thlen theih tur thu an ti chiang a ni," tiin a sawi.

South East Asian ram dang Singapore leh Malaysia te chuan For­mula 1 inelna hi an lo thleng tawh ṭhin a, Vietnam hian an hnung an zui dawn. US group lian tak Liberty Media-in F1-a thuneihna an chan hnuah Vietnamese Grand Prix hi F1 calen­dar huanga hming thar hmasa ber an ni.