Australia cricket hotupa a bang
Cricket Australia chairman David Peever chu ball khawih chingpen chungchanga Australia cricket team mualphona avangin a hna aṭangin a bang a, June khan Cricket Australia chief executive James Sutherland chu a hna aṭangin a lo chawl tawh bawk.
March khan Australia hian South Africa nen test match an khel a, test match vawi thumnaah Aussies captain Steve Smith leh vice captain David Warner te hriatpuinain bowler Cameron Bancroft-a'n ball awm dan a khawih danglam a, hei hi hriatchhuah a nih leh si avangin Cricket Australia hi a talbuai ta a ni.
Australia cricket team mualphona avang hian captain Smith leh vice captain Warner te chu kum khat chhung cricket khel thei lo turin hrem an lo ni tawh a, Bancroft pawh thla kaw chhung hrem a ni bawk. Kum 28 mi Smith leh Bancroft, 25 te hi a tlem berah kum hnih chhung Australia tan an captain thei dawn lo a, kum 31 mi Warner phei chu hruaitu zingah an tel tawh dawn lo.
Cricket Australia chairman lailawk Earl Eddings chuan, "Cricket Australia leh Australian cricket hmingṭhatna hlawh chhuak leh turin theihtawp kan chhuah dawn a ni," tiin a sawi.