Union Berlin-in St Pauli an lehthal

DFB Pokal quarter-final-ah Union Berlin chuan FC St Pauli chu 2-1 in an hneh. Thawhlehni zan inkhelah hian 2. Bundesliga club St Pauli-in Daniel Kofi Kyereh hmangin minute 21-naah an khung hmasa a, Bundesliga club Union Berlin-in Sheraldo Becker (45') leh Andreas Voglsammer (75') te hmangin an chhanglet.

German Cup-ah hian vawi 20 zet champion tawh Bayern Munich leh vawi nga champion tawh Borussia Dortmund an tla tawh. Union Berlin an la champion ngai lo a, semifinal thlen phak ringawt pawh hi result ṭha a tling.

Nizan khan quarter-final match thum a awm a, a sang pariat zingah Hamburger leh Hannover te chiah champion tawh an awm. Tun ṭuma champion rinkai RB Leizpig pawh an la champion lo a, kuminah champion thar an awm a rinawm hle.