A zawnin GSW vawi hnih an chak lo

Golden State Warriors chuan an chunga awm Phoenix Suns hnaih theihna remchang an neih an bawh pelh zel. Nimin zing NBA regular season inkhelah GSW hi Minnesota Timberwolves lakah 129-114 in an

chak lo.

Tun hnaiah a zawnin Golden State hi vawi hnih an tlawm ta. Western Conference hmahruaitu Suns pawh vawi hnih bawk an chak lo, an chetsual laiin an hnuaia awm an chet fuh bik loh avangin an hmahruiana a la nghing lo.

Inkhel dangah Los Angeles Lakers chu Dallas Mavericks lakah 109-104 in an chak lo. Tun hnai khan LeBron James-a'n an tan season harsa a nih thu a sawi a, insiamṭhat duh viau mah se an insiamrem nghal thei lo a ni.

Lakers hi Western Conference table-ah pakuana an ni mek, tuna an awmnaah hian regular season an khar a nih chuan playoff an khel phak dawn lo–pariatna chinin an khel ang. Table-a hniam hi a pawi thei bawk, playoff-ah team ṭha an hmachhawn nghal a ngai dawn.

NBA–Nimin Results
Detroit Pistons 113–116 Washington Wizards
Atlanta Hawks 98–107 Boston Celtics
Brooklyn Nets 108–109 Toronto Raptors
Los Angeles Clippers 113–100 Houston Rockets
Golden State Warriors 114–129 Minnesota Timberwolves
Dallas Mavericks 109–104 Los Angeles lakers