Bale-a'n esports organisation a nei

Wales leh Real Madrid winger Gareth Bale chuan esports organisation thar Ellevens Esports-a neih thu a puangzar a, he club hi 38 Entertainment Group leh footballer hlui Larry Cohen-te nen an inṭawm a ni.

Ellevens Esports hnuaia team pakhat chu tun kara Milan khawpuia neih tur FIFA eClub World Cup-ah an tel dawn a, Bale hian khawvel hmun hrang hranga gamer-te chu an team-a professional contract hlawh chhuak tura 'talent hunt' an neih tura tel turin a sawm bawk. 

Bale-a team Ellevens hian esports hrang hrangah an huang zauh an tum a, Counter-Strike: Global Offensive, Fortnite leh Rocket League-ah te team neih an tum dawn a ni. 

Esports-ah hian tun hnaiah sum a pung nasa hle a, kum 2019 khan Fortnite tournament-a champion American rawlthar Kyle Giersdorf  chuan dollar maktaduai thum chuang a hlawh phak!

Golf-a inelna sang US Masters-a champion-in dollar maktaduai hnih chuang hret an hlawh phak a, tennis inelna ngaihhlut Wimbledon champion hlawh zat chu dollar

maktaduai thum a ni. 

Zirtawpni aṭanga khelh ṭan tur FIFA eClub World Cup-ah hian pawisa inchuh tur £76,635 (Nuai 71.032)-a a awm dawn a, player che ṭhate chuan Global Series Rankings points hlawh chhuakin kumin July-a neih tur FIFA eWorld Cup-a tlinna remchang an nei ang.