Hammers ngamtu Saints

West Ham hian khel ṭhain han tawng sang viau ṭhin mah se an tawp thlen an harsat niin a lang. David Moyes-a naute hian Premier League lama an chhuk en Southampton 3-1 in an ngam lo. Tun season atan Europa League chu an beisei awmchhun a ni ta.

Saints tan Romain Perraud-a'n yard 30 zeta hla aṭangin goal hmahruai a khung a, mikhual lamin second half-ah Michail Antonio hmangin an sut - English striker tan January 1 hnua a goal khung lehna hmasa ber a ni.

Ralph Hasenhuttl-a nauten second half-ah James Ward-Prowse-a penalty hmangin hma an hruai nawn bakah, hun tawp dawna Armando Broja goal hmangin chak an nemnghet a, a thiam zual pali zingah an tel.

Southampton tan hnehna chan hi thil hlu tak a ni ngei ang - Premier League an khelh hnuhnung ber aṭangin player pakua ngawt an siksawi, league lama sang zawk Hammers erawhin pahnih chauh an thlak danglam thung.

Hasenhuttl chuan, "Player kan thlak tam avangin inelna kan ngainep tihna a ni lo. Kan squad-ah inkhel turin inpeih player kan nei hnem ve tawk tih kan lantir tihna zawk a ni," tiin a naute a chhuan thu a sawi, season hmasa khan FA Cup semifinal an thleng tih hriat tel a ṭha bawk.

Saints hian nomawi an chawi khat hle, inelna hrang hranga nomawi lian tham an chawi hnuhnung ber chu 1976 FA Cup daih tawh kha a ni. Kuminah hun ṭha an nei leh mek, chutih rualin title la tur chuan match hautak pahnihah hnehna chan an la ngai dawn.

FA Cup Quarterfinal Results
Liverpool 2 - 1 Norwich City
LIV: Takumi Minamino 27', 39'
NOR: Lukas Rupp 76'
Southampton 3 - 1 West Ham
SOU: Romain Perraud 31'; James Ward-Prowse 69' (P); Armando Broja 90+5'
WES: Michail Antonio 60'
Luton Town 2 - 3 Chelsea
LUT: Reece Burke 2'; Harry Cornick 40'
CHE: Saul Niguez 27'; Timo Werner 68'; Romelu Lukaku 78'