A tawpah Bucks vannei zawk

Hun tawp dawna Jrue Holiday-a basket neih hmangin Milwaukee Bucks chuan Miami Heat 120-119 in an hneh, second 1.9 chauh awm tawhah Holiday hian point pawimawh bik a nei a ni.

Heat hian hun tawp hma minute ruk la awmah 113-99 in hma an hruai. Mahse, 2021 NBA champion Bucks hian zawi muangin an hnaihchilh zet a, boruak sangah player huai zawk an dingchang.

Holiday hian point 23 a neih bakah assist vawi 11 a nei a, player ṭha Giannis Antetokounmpo (28 points & 17 rebounds) chu a thawhhlawk lehpek hle bawk; team pahnih inelna hi a boruak a la sang chhunzawm dawn.

Eastern Conference table-ah Heat hian hma an la hruai zel, vawi 41 an chak tawh. Tun ṭuma chak zawk Bucks hi palina an ni mek thung a, vawi 38 an chak tawh thung, regular season khelh hmabak an la neih nual avangin a la ngaihnawm dawn.

Nimin zing inkhel dangah James Harden awmna Philadelphia 76ers an che fuh leh tawh a, an khingpui New York Knicks chu 123-108 in an hneh. Hnehna an chan theih nan Harden hian point 26 ngawt a nei.

Indiana Pacers chuan dinhmun chhe zawka an din hnuah Orlando Magic chu overtime an khelhpui a, a tawpah 122-114 in an chak. Phoenix Suns, Indiana Pacers leh Utah Jazz te pawhin an khingpui ṭheuh an hneh.

Cleveland Cavaliers erawh tun hnaia an match hnuhnung parukah vawi nga an tlawm ta, an khingpui Charlotte Hornets lakah 119-98 in an tlawm.

NBA - Nimin Results
Charlotte Hornets 119 - 98 Cleveland Cavaliers
Indiana Pacers 122 - 114 Orlando Magic
New York Knicks 108 - 123 Phuladelphia 76ers
Utah Jazz 132 - 127 Houston Rockets
Miami Heat 119 - 120 Milwaukee Bucks
Sacramento Kings 95 - 125 New Orleans Pelicans
Oklahoma City Thunder 119 - 107 Denver Nuggets
Portland Trail Blazers 90 - 120 Phoenix Suns