Kohli tan mellung thar

India leh Sri Lanka chuan March 4-8, 2022 chhung hian Test match vawi hnih an khelh tura hmasa zawk chu Punjab Cricket Association Stadium-ah an khel dawn.

Kum 33 mi Kohli tan Test match vawi 100-na tur a ni dawn a, Indian player zinga hetiang ti thei 12-na a ni dawn. Kohli chuan, "Test match vawi 100 khelh hi ka suangtuah ngai lo a, vawi 100 ka khel tur hi ka lawm takzet a ni," tiin a sawi.

India tana Test match vawi 100 khel thei dangte chu Sunil Gavaskar, Dilip Vengsarkar, Kapil Dev, Sachin Tendulkar, Anil Kumble, Rahul Dravid, Sourav Ganguly, VVS Laxman, Virender Sehwag, Harbhajan Singh leh Ishant Sharma te an ni.