RB Leipzig an chak nuamsa

DFB-Pokal-ah champion rinkai RB Leipzig chuan Nilaini zan khan HDI Arena-ah mualneitu Hannover chu 4-0 in an sawp. Inkhel dangah Hamburger SV leh Karlsruher te hun pangngaiah 2-2 in an inhnehtawk a, extra time-ah Hamburger 3-2 in an chak. SC Freiburg-in Vfl Bochum 2-1 in an hneh bawk.

RB Leipzig tan Christopher Nkunku a che ṭha chhunzawm zel a, French forward hian Hannover lakah goal hmasa pahnih a khung. Second half-ah Leipzig tan Konrad Laimer leh Andre Silva ten goal khat ve ve an khung a, Hannover 4-0 in an hneh.

German Cup quarter-final khelh zawh a ni ta a, team pali RB Leipzig, Hamburger SV, SC Freiburg leh Union Berlin chiah an dam tawh. Semifinal draw hi March 6-ah neih a ni dawn.

Tun season DFB Pokal-ah hian champion thar awmna chance a sang zel. Hamburger SV vawi thum an champion tawh a, anni chiah hi champion tawh an awm. Team dang Union Berlin, RB Leipzig leh SC Freiburg te German Cup-ah an la champion lo.

March 1, Thawhlehni
Union Berlin 2 - 1 FC St Pauli
UNI : Sheraldo Becker 45'; Andreas Voglsammer 75'
STP : Daniel-Kofi Kyereh 21'

March 2, Nilaini
Hamburger SV 2 - 2 Karlsruher
Penalty Shootout-ah Hamburger 3-2 in an chak
HAM : Robert Glatzel 52', 90+1'
KAR : Philip Heise 40'; Philipp Hofmann 50'
Hannover 0 - 4 RB Leipzig
RBL : Christopher Nkunku 17', 22'; Konrad Laimer 67'; Andre Silva 73'
Vfl Bochum 1 - 2 SC Freiburg
BOC : Sebastian Polter 64'
FRE : Nils Pedetersen 51'; Roland Sallai 120'