T20-ah India-in WI hneh

India chuan Pathianni khan Eden Gardens-ah West Indies chu T20 series vawi thum khelh tura hmasa berah wicket ngain an hneh.

Ṭhumvawrah India hi chakin vawm hmasak an thlang a, over 20-ah WI-in run 109 siamin wicket riat an hloh. India bowler zingah Kuldeep Yadav chuan wicket thum a la a, mikhual zinga run siam tam ber Fabien Allen chuan run 27 a siam ve bawk.

India bat hun a thleng a, captain Rohit Sharma (6 runs) leh Shikhar Dhawan (3) te chefuh tawk lo mah se wicket keeper Dinesh Karthik (31 runs) leh Krunal Pandya (21) ten India hi chak puiin over 17.5-ah target an umpha.

India hian Test Match leh ODI-ah West Indies hi hneh tawh mah se T20-ah erawh an ngam lo zawk a, kum 2016-a World Cup T20 semifinal-a an hneh loh tiam khan he match hmaa an intawn hnuhnung paliah an chak lo vek a. Tuna an chak hnu pawh hian WI hi 5-3 in an la ṭha zawk tho.

Zanin dar 7:00 hian Ekana International Cricket Stadium, Lucknow-ah T20 match hnihna khelh a ni ang.