Mizo infiammiten Hnam hnatlang an thlâwp

MVA Tourney hun sawn
Mizoram Volleyball Association buatsaih, MVA Invitation Volleyball Tournament 2018 neih mek chu nimin khan Hnam Hnatlang neih a nih avangin a hun sawn a ni. MVA chuan NGO lamin hnatlang a ko hi an thlawp thu an sawi a, November 6 bika inkhel tur hi kar lehah khelh tura sawi a ni.

MBBA hruaitu leh player hnatlang
Hnam Hnatlangah Mizoram Basektball Association hruaitute an kal ṭha a, player ṭhahnem tak an pungkhawm bawk. Mizoram chhunga basetkball inelna sang ber Mizoram Super League erawh zan lama khelh a nih avangin hnatlang nen an insu buai lo a, ruahmanna ngaia kal pui a ni.

Hnatlangah MTTA hruaitu
Mizoram Table Tennis Association chuan nimina hnam hnatlang neih an thlawp a, Aizawla hnatlang neihah hian MTTA hruaitu te an hnatlang. MTTA chuan thuchhuah siamin, "Mizo kan ṭanrualzia a lang chhuak a, min nekchep tumtute hmachhawn ngam Mizo mipui khati zat kan hmuh khan kan thla a muang a, keini pawhin Mizo hnam damna atan kan theihtawp kan chhuah zel ang. Mizo hnam vul zel rawh se," an ti.

Badminton inelna ṭan hun sawn
Mizoram Badminton Asso-ciation chuan nimin aṭanga ṭan tur Aizawl Open chu Hnam Hnatlang vangin inelna ṭan hun an sawn. Mizoram chhung ranking tournament hi vawiin aṭangin Kulikawn Indoor Stadium-ah khelh ṭan a ni ang. Inelna hi men's singles, men's doubels, women's singles, women's doubles leh mixed doubles-ah te neih a ni dawn a, ranking tournament a nih avangin Mizo shuttler ṭha an tel kim ang.

Ram leh hnam tan CAM
Cricket Association of Mizoram chuan Hnam Hnatlang an thlawp tlat thu an sawi a, "Kan ram leh hnam chhan nan chuan theihtawp kan chhuah zel dawn a, Mizoram tan a nih chuan a tawp thlengin kan
ṭang ang," tiin thuchhuah an siam.