Republic Veng Khelmualah Under 15 League khelh ni dawn

Mizoram Under 15 League chu vawiin hian Republic Veng Khelmualah khelh a ni dawn a, season chawhnu lam a nih tawh avangin semifinal khel tur leh khel pha lo tur an inthliar ṭan tawh. Vawiin hian table chung lama awm team panga leh hnuai lama awm team panga te an inkhel dawn a, point hloh an awm ang em tih hi zawhna awm chu a ni.

Tata Trusts COE chuan pakhatna dinhmun an hauh mek a, an dinhmun ṭha tawh sa chu vawiin chawhma dar 9:30-a Competitors for Christs an hneh chuan a ṭhat belh ang. Aizawl FC Academy pawhin Sihphur Venghlun an hmachhawn dawn a, point thum an hmuh a rinawm.

Aizawl Grassroots Center pawhin an hnuaia awm FC Stonzz nen chhun dar 12:30 an inkhel dawn a, semifinal kawng an zawh zel a beiseiawm. Table-a a sang pathum hian harsatna lutuk nei loin semifinal an thlen mai a rinawm a, Chanmari FC leh M28 Footballl Academy-in hmun ruak an inchuh ang.

Chanmari FC-in match hmasa berah Kanan FC an hmachhawn dawn a, match hnuhnung berah Republic Veng club M28 Academy leh Bawngkawn GSA an an inkhel dawn a, team pahnih tan point hloh a thiang lo.

Vawiin Inkhel Tur
Chanmari FC 8:00 AM Kanan FC
Tata Trusts COE 9:30 AM Competitors of Christ
Aizawl FC 11:00 AM Sihphir Venghlun FC
Aizawl Grassroots Center 12:30 PM FC Stonzz
M28 Football Academy 2:00 PM Bawngkawn GSA