Football referee ni thar duh tan

Mizoram Football Association chuan All India Football Federation buatsaih Referee Development Course chu November 19-22, 2018 chhungin Aizawlah a buatsaih dawn a, he hunah hian football referee ni mek leh referee ni thar duhte tan tel theih a ni.

AIFF chuan referee instructor pahnih a rawn tir dawn a, hei hi MFA leh DFA hnuaia referee ni tawhte tan intuaitharna a ni dawn a, MFA Referee Committee chuan MFA leh DFA referee zawng zawngte tel turin a sawm.

Referee la ni lo, football referee ni thar duhte tan hun a hawng bawk a, Class 10 pass chin, mipa leh hmeichhia a duh apiang tan tel theih a ni.

He huna tel duhte chuan November 15, 2018 tlai dar 4:00 thleng MFA Office, City Park-ah in report theih a ni a, registration fee Rs 50 pek a ngai ang.

Hre chiang duh tan, MFA Development Officer, Samson Ramengmawia (phone number 9436150249) biak pawh theih a ni.