Tyson hmachhawn turin Wilder a inpeih

American boxer rothap Deontay Wilder chuan Tyson Fury hmachhawn tura a inpeih tawh thu a sawi a, tunah chuan 'mi rothap' tak a nih tawh thu a sawi.

Wilder leh Fury hi December 1-ah an intawng dawn a, boxer pahnih inhmachhawnna tur hmun hi Los Angeles khawpuiah a ni ang.

WBC heavyweight champion Wilder chuan, "Hahdam takin ka awm a, ka taksa leh rilru puthmang engkim hi a danglam tawh a ni," tiin a inpeih tawh hle.

Vawi 40 fight a hmachhawn tawha la tlawm miah lo Wilder hi June khan WBA, IBF leh WBO champion lai Anthony Joshua nena inhmachhawn tura ngaih vek a ni tawh a, mahse WBA lamin Joshua hi Alexander Povetkin nena inhmachhawn tura an tih avangin ṭhulh a ni.

Wilder chuan, "Anthony Joshua chungchang hi engmah sawi ka duh lo. Mi tlaw tak a ni a, chu zawng chu a chanchin ka sawi theih chu a ni.

"Tuna ka vei ber chu Tyson Fury a ni a, hnehna chan chakin ka tuihal a ni," tiin a sawi.