Blasters-in Bengaluru an ngam lo

South Indian derby inkhelah Kerala Blasters aiin Bengaluru an ropui zawk a, Thawhṭanni zana team pahnih inkhelah Bengaluru hian 2-1 in hnehna an chang.

Bengaluru tan 'captain fantastic' Sunil Chhetri chuan minute 17-naah goal hmahruai a khung a, Blasters tan Slavisla Stojanovic chuan minute 13 hnuah penalty hmangin a chhanglet.

Goal dang lut loin team pahnih an inkhel reng a, chak zawk awm loin derby a ṭin mai dawn niin a lang hman. Mahse, minute 80-naah Serbian midfielder Nikola Krcmarevic chuan an lamah a ti lut a, 2-1 in Bangalore club an chak zui.

Blasters-in hnehna chang zo lo mah se Lalruatthara chu Emerging Player of the match atan thlan a ni a, Hmunhmelṭha tlangval hian a khel ṭha hle.

Zaninah inkhel a awm dawn lo a, nizan khan Pune City leh Chennaiyin FC inkhelin he thu buatsaih a nih lai hian result kan hre hman lo.