Iglesias-a'n Betis final a hruai thleng

Real Betis-in Copa Del Rey semifinal-ah Rayo Vallecano an hneh a, final-ah Athletic Bilbao hnehtu Valencia an hmachhawn ang. Final hi April 23, 2022-ah khelh tur a ni.

Real Betis leh Rayo Vallecano te hi first leg-ah 2-2 in an inhnehtawk. Second leg hi Betis khelmual Benito Villamarin-ah khelh ni mah se Vallecano-in Manchester United forward hlui Bebe hmangin minute 80-naah an khung

Aggregate-ah team pahnih 2-2 in an inhnehtawk chiah a, amaherawhchu injury time-ah Borja Iglesias-a'n goal pawimawh a khung a, kum 29 mi Iglesias hian first leg-ah pawh goal a khung.

Betis-in an mualah Vallecano 1-1 in an chelh a, aggregate-ah 3-2 in an chak. Beticos hian kum 2005 khan Joaquin leh Denilson te hoin nomawi hi an chawi tawh a, tun season-ah nomawi chawi theihna hun ṭha an nei leh chiah a ni.

Copa del Rey
Semifinal
Valencia bt Athletic Bilbao
Agg-ah Valencia 2-1 in an chak

1st Leg : February 10, Nilaini
Athletic Bilbao 1 - 1 Valencia
BIL : Raul Garcia 37'
VAL : Hugo Duro 65'

2nd Leg : March 2, Nilaini
Valencia 1 - 0 Athletic Bilbao
VAL : Goncalo Guedes 43'
Real Betis bt Rayo Vallecano
Agg-ah Real Betis 3-2 in an chak

1st Leg : February 9, Thawhlehni
Rayo Vallecano 1 - 2 Real Betis
RAY : Alvaro Garcia Rivera 5'
REA : Borja Iglesias 26'; William Carvalho 68'

2nd Leg : March 3, Ningani
Real Betis 1 - 1 Rayo Vallecano
REA : Borja Iglesias 90+2'
RAY : Bebe 80'

Final
April 23, 2022
Valencia Vs Real Betis