Boro mualah Chelsea

FA Cup quarterfinal fixture pawh a ni a, season hmasa pahnihna Chelsea chu Championship club Middlesbrough mualah an lenglut ang. Boro hian an match hmasa lamah Manchester United leh Tottenham te an pet chhuak.

Crystal Palace chuan Everton an mikhual dawn. Frank Lampard-a enkawl Toffees hian Ningani zan khan Salomon Rondon-a goal hnih hmangin non-league club Boreham Wood 2-0 in an hneh a, season chhe tak an hman khuh mawi theihna an neih awmchhun a ni ang.

March 7, Thawhṭanni zanah Championship club pahnih Nottingham Forest leh Huddersfield ten fifth round an khel ve dawn chauh, a chak zawkin Liverpool an hmachhawn ve leh thung dawn a ni.

Football knockout inelna upa ber FA Cup quarterfinal hi March 19-20 chhunga khelh a ni dawn.

FA Cup Quarterfinal
Crystal Palace vs Everton
Middlesbrough vs Chelsea
Nottingham Forest/Huddersfield vs Liverpool
Southampton vs Manchester City