Eriksen a khel leh thei hi ka lawm - Dean Smith

Norwich City chuan zanin dar 8:30 hian Brentford an mikhual dawn a, Bees midfielder Christian Eriksen chu player thlir rawn tur a ni ang.

Danish midfielder Eriksen hi nikum June thlaa Denmark leh Finland inkhelh ṭumin khelmualah a tlu a, lminute nga chhung a lungphu a chawl hman a, thi thei dinhmunah a ding.

Eriksen hian ni 259 hnuah competitive match a khel leh tawh a, kar liam taa Bees-in Newcastle 2-0 a an hneh loh ṭumin bench aṭangin a lut. Danish midfielder-in khelmual a rah hian 2-0 a ni tawh a, goal a luh belh tawh lo.

Norwich lakah hian Eriksen hi a inlan ngei a rinawm. Canaries coach Dean Smith chuan, "Christian Eriksen a inkhelh leh theih avang hian tute pawh kan lawm vek ang. Mimal tak pawhin ka lawm," tiin a sawi. Smith hian Brenford hi kum 2015-2018 chhung khan a lo enkawl tawh a, tuna manager Thomas Frank hi a assistant a ni ṭhin.

Table mawngphaha awm Norwich (17 pts) tan Premier League-a inhamtang turin Bees (24 pts) an hneh hi an pawimawh a, Thomas Frank-a kaihhruai Brentford hi an dinhmun a ṭha bik lo.