Mbappe inkhel thei dawn lo

Paris Saint-Germain chuan zanin dar 1:30 hian Ligue 1 match khel turin Nice an lenchilh dawn a, an player pawimawh Kylian Mbappe chu hrem vangin a inlan ve thei dawn lo.

PSG hian kar lehah Real Madrid an tlawmhdawn a, tun ṭuma Mbappe inlan thei lo tur hi thil pawi tak a ni hran lo ang. Spanish club an hmachhawn hmasaka goal awmchhung khungtu hi Champions League-ah chuan a tir aṭangin a inlan ang.

Mauricio Pochettino-a hote hian rin ai takin Ligue 1 khelh an harsat, an khingpui team nem zawk viau tura ngaih nen pawh an inkhel tawk viau zel. Mbappe awm lo mah se Neymar leh Lionel Messi te chu an inlan a rinawm.

PSG manager Poch-a'n Leandro Paredes, Ander Herrera, Layvin Kurzawa leh Sergio Ramos te dinhmun erawh a ngaihtuah a la ngai dawn, anni pali hi 100%-in an la dam fel lo, chutihrualin mamawh huna hman theih erawh an ni ang.

Defender Achraf Hakimi erawh a dam tawh, match fitness a mamawh avangin Real Madrid an hmachhawn tur inbuatsaihna atan zanina inkhelh a ṭha ang. Marquinhos, Presnel Kimpembe leh Nuno Mendes te pawh an inpeih.

Zanin Inkhel Tur
Lens 09:30 PM Brest
Nice 01:30 AM PSG

March 6, Pathianni
Saint-Etienne 05:30 PM Metz
Bordeaux 07:30 PM Troyes
Nantes 07:30 PM Montpellier
Reims 07:30 PM Strasbourg
Rennes 07:30 PM Angers
Lille 09:35 PM Clermont
Marseille 01:15 AM AS Monaco