Electric Veng an tho chhuak thei dawn em?
Mizoram Premier League Season 7-a beisei phak baka bul ṭan ṭha Electric Vengin Serchhip aṭanga zin haw hnuah Lammualah vawi li an inkhel tawh a, chak hmel an hmu tawh lo. Zanin dar 8:00 hian EFC hian I League club Aizawl FC an hmachhawn dawn a, inkhel en châkawm a ni.
Aizawl FC coach Gift Raikhan chuan, "Neroca kan hmachhawn zo chauh a ni a, ni zawna inkhel tur kan nih avangin player ngai chhawr ngam chi a ni lo. A hrang hlak an khel dawn," tiin Vanglaini a hrilh.
I League club hi an kim dawn loh avangin chhe dawn tihna erawh a ni lo a, Neroca an hmachhawn ṭuma hahdam zingah defender ṭha Lalrinchhana Tochhawng leh forward ṭha Lalruatfela Zote te pawh an awm a, ONGC captain hlui V. Lalchhuanawma te awmin Electric Veng aiin player an la nei hraw zawk.
Electric Veng pawh an kim bik dawn lo a, Chanmari an hmachhawn ṭumin captain Isak Vanlalpeka bakah winger Vanlalhmangaiha leh defender C. Lalnunmawia te chu hnawhchhuah an ni.
Chutihrualin team pahnih hi kim lo mah se point pawimawh dan erawh a la ngai reng. Aizawl FC hi semifinal khel turin an la tling lo a, player inlan tan I League khelh thei tura coach rilru hmin theihna hun ṭha a nih avangin an la thu tak dawn.
Electric Veng pawh hlau-thawng tur an ni lo, midfield-a awm turin Vanlalremkima (Tetea) leh Pehlawn rawlthar Emmanuel Lalchhanchhuaha te an awm a, goal nawr turin goal ruk khung tawh David Lalchhuanawma bakah Ramhlunchhunga leh Vanlalremsanga te an kawl a. Aizawl FC 'B-Team' hneh thei turin an ṭha tawk a, ṭantu pawh an nei ṭha zawk.
Khel Hmabak
Aizawl FC
Nov 8 Electric Veng
Nov 13 Mizoram Police
Nov 17 Chanmari FC
Nov 19 Chhinga Veng FC
Electric Veng FC
Nov 8 Aizawl FC
Nov 14 Chawnpui
Nov 16 Mizoram Police
# Team Pld W D L GF GA GD Pts
1 Chhinga Veng FC 10 7 2 1 12 5 7 23
2 Aizawl FC 10 5 4 1 20 9 11 19
3 Electric Veng FC 11 5 2 4 13 13 0 17
4 Mizoram Police 11 5 0 6 15 13 2 15
5 Chawnpui FC 11 3 5 3 12 13 -1 14
6 Chanmari FC 11 4 2 5 12 14 -2 14
7 Ramhlun North 11 2 3 6 12 24 -12 9
8 Bethlehem VT 11 2 2 7 12 17 -5 8