Kum li chhung atan Magnini hrem

Italian tuihleuh thiam Filippo Magnini chu damdawi hman phal loh a hmang tih hmuhchhuah a ni a, an rama dan lek kawhtu Italy national anti-doping body chuan kum li chhung infiamna huanga inhnamhnawih thei lo turin an hrem.

Kum 36 mi Magnini hi 100m freestyle huangah a inlan ṭhin a, 2005 leh 2007 world championship-ah khan gold medal a lak bakah, 2004 Olympic Athens-a neih a nih ṭum khan 4x200m freestyle relay bikah bronze medal a la bawk.

Magnini chuan hrem a nih chungchang sawiin, "Thu dik lo a ni, dan ka bawhchhe ngei tih hriatna tura ṭanchhan tur engmah a awm lo. Ka dik a ni tih hriat chian nan kan khinglet ngei ang," a ti.