Murray leh Lendl thawkdun leh dawn

Andy Murray leh a coach hlui Ivan Lendl te an thawk dun leh dawn. Ruahman dan chuan April aṭangin hna an thawk dun dawn a, United States lamah training an nei dun dawn a ni.

Murray leh Lendl te hi tun hmain hlawhtling takin an lo thawk dun tawh. A kaihhruaina hnuaiah Britain tlangval hian Wimbledon nomawi pahnih bakah US Open nomawi a chawi a, Olympic gold medal pahnih a vaw chhuak bawk.

Khatih hunlai khan Murray hi world number 1 a ni thei hial. Mahse, player a nih laia Grand Slam vawi riat champion Lendl hian hun puma coaching beih a remchang lo a, chuvang chuan 2014 khan an inṭhen.

Grand Slam vawi thum champion tawh Murray hian clay court season hman a tum loh thu a tichiang tawh a, a coach thar nen hian grass court atan inbuatsaihna an nei ang.