Lakers chak ve leh ta

Chak hlei thei lo Los Angeles Lakers tan LeBron James chu chakna hnar a ni. James hian season kal laia point a neih hnem ber ṭum a tawng, point 56 ngawt neiin Lakers hi Golden State Warriors lakah 124-116 in a chakpui.

Tun hnaiah Lakers hi a zawnin vawi li an tlawm a, a thiam pariat zingah pawh an tel phak lo mai ang tih hlauhthawnna a lian hman. Mahse, a hunah tak James a rawn che chhuak, point neih tuma vawi 31 a shot zinga 19 a hlawhtling - Lakers a zawm hnuah match khata point a neih hnem ber ṭum a ni bawk.

James chuan, "Point 56 ka score avangin ka lawm, a pawimawh zawk erawh kan team kan chak ve leh ta hi a ni," a ti. American star hian NBA huangah ṭum 13 ngawt match khatah point 50 chuang a lo nei tawh.

Golden State tan Steph Curry-a'n point 30 a nei a, amaherawhchu tun hnaiah GSW an che fuh thei bik lo - a zawnin vawi li ngawt an tlawmna a ni ve ta; Western Conference table-ah pawh pahnihna aṭangin pathumnaah an tlahniam.

NBA - Nimin Results
San Antonio Spurs 117 - 123 Charlotte Hornets
Philadelphia 76ers 82 - 99 Miami Heat
Orlando Magic 96 - 124 Memphis Grizzlies
Portland Trail Blazers 121 - 135 Minnesota Timberwolves
Golden State Warriors 116 - 124 Los Angeles Lakers

March 5, Inrinni
Indiana Pacers 106 - 111 Detroit Pistons
Cleveland Cavaliers 119 - 125 Philadelphia 76ers
Atlanta Hawks 117 - 114 Washington Wizards
Milwaukee Bucks 118 - 112 Chicago Bulls
Orlando Magic 103 - 97 Toronto Raptors
Utah Jazz 90 - 124 New Orleans Pelicans
Minnesota Timberwolves 138 - 101 Oklahoma City Thunder
Houston Rockets 101 - 116 Denver Nuggets
New York Knicks 114 - 115 Phoenix Suns
Sacramento Kings 113 - 114 Dallas Mavericks