Muller-a'n an lamah ti lut

Inrinni zan khan Bayern Munich leh Bayer Leverkusen te 1-1 in an inhnehtawk. Bavarians hian point hnih hloh mah se anmahni hnaih bertu Borussia Dortmund aiin point kuain an hmu tam zawk. Dortmund hi Mainz nena inkhel tur an ni a, amaherawhchu Mainz hi Covid-19 vanga an buai avangin an inkhelh hun hi an sawn.

Allianz Arena-a inkhelah hian Leverkusen-in corner aṭanga ball kal an pet chhuah theih lawk loh avangin Niklas Sule chuan minute 18-naah chiang zetin a volley goal. Manuel Neuer awm loh vanga captain armband hrengtu Thomas Muller-a'n Kerem Demirbay freekick chu an lamah a tlawh lut a, minute 36-naah 1-1 a ni.

Bayern defender Dayot Upamecano back pass chu Amine Adli-a'n la fuhin Leverkusen forward hian keeper Sven Ulreich bum mah se goal ruakah goal ban a pet per. Second half-ah Bavarians an insiamṭha a, tlarhnung tiphui thei mah se goal khung turin an goal bawh a na tawk lo.