Zaninah Zarkawt Derby

Mizoram Super League khelh laiah zanin hian Zarkawt Derby hmasa ber kan hmu dawn a, champion lai Zarkawt BCA leh Zarkawt Serpents te chu dar 8:00 hian Hawla Indoor Stadium, Republic Vengthlangah an inkhel dawn.

BCA hian match hmasa pahnihah hnehna an chang a, vawi hnih champion tawh Khatla TBL sawp thei an nih avangin Serpents hi an huphurh lo khawp ang - a vawi thum nan chak an tum dawn.

Serpents pawh an boruak ṭhat lai a ni, match hmasa berah chak lo mah se Nilaini zan khan kai thar BC Bethlehem chu 84-78 in an hneh thei a, an squad neih laiah MSL tawnhriat nei tam lo mah se, tun hma lama team ṭha an nihna kha an la vawng reng.

Vawiin tlai dar 5:30 hian Bethehem an inlan zui leh dawn a, anni hian Tuikual South an hmachhawn ang. Mission Veng Vikings sawp zo hlim Phengphehlep hian kai thar lakah zahngaihna an lantir a rinawm loh - team inlungrual leh thawhhona nei ṭha hian a vawi khat nan MSL champion nih an tum mek a ni.

7 November, Nilaini
BC Bethlehem 78 - 84 Zarkawt Serpents
9 November, Zirtawpni
Tuikual South 5:30 PM BC Bethlehem
Zarkawt BCA 8:00 PM Zarkawt Serpents