A vawi nga nan Lakers an chak

Nimin zing NBA inkhelah Los Angeles Lakers chuan 114-110 in Minnesota Timberwolves an hneh a, tun season chhunga a vawi nga nan Lakers hian hnehna an chang; an chak theih nan hian nipui laia an lakluh LeBron James chu player pawimawh a ni.

Lakers tan James-a'n point 24 a score bakah rebounds vawi 10 lain assist vawi kua a nei hman bawk. Ani bakah hian Kyle Kuzma leh Josh Hart te chuan point 21 ve ve an hmu bawk a, season bul ṭan fuh lo mah se tun hnai an match hnuhnung paliah vawi thum an chak theih avangin an boruak a nung chho hle.

Minnesota Timberwolves lamah Derrick Rose chu player hmuhnawm leh langsar a nih chhunzawm, Rose hian point 31 score-in a ṭhiante puihna a dawng ṭha tawk lo. Jimmy Butler-a'n point 24 nei ve mah se player dang zingah point 20 nei tling an awm lo, tun season-a a vawi riat nan an tlawm.