Quarterfinal-ah Srikanth leh Sindhu

Asia rama badminton inelna ngaihhlut pakhat China Open-ah Indian shuttler ten nomawi beiseina an la nei zel. Nimin khan Kidambi Srikanth leh PV Sindhu te chuan last 16 paltlangin quarterfinal an lut.

Kum 25 mi Srikanth-a'n Tommy Sugiarto chu 10-21, 21-9, 21-9 in a hneh a, Indonesian tlangvalin harsa lo takin game hmasa ber la mah se, game hnuhnung pahnihah erawh India tlangval hian a khingpui hi point 10 pawh hmu tling loin a dah.

Hmeichhe singles lamah PV Sindhu chuan Busanan Ongbamrungphan chu 21-12, 21-15 in a hneh. Rio Olympic silver medalist hian inkhel tir aṭanga a tawp thlengin a thunun hneh hle a, dinhmun hlauhthawnawmah a awm miah lo.