Sunfeast Cup buatsaih dawn

SPT Sports leh Mizoram Football Association ṭang kawp chuan November 19-23 chhung hian naupangte football inelna, Sunfeast Cup a buatsaih leh dawn.

Mipa Under 16 leh Under 13 inelna bakah hmeichhia Under 16 inelna a awm ang a; football club leh school hming pawha tel theih a ni ang. Mipa inelnaah hian lawmmanah trophy bakah sum leh pai a keng tel ang a, hmeichhe inelna hi a tihlarna (promotional) a nih angin sum fai a keng tel lo a, trophy leh mimal lawmman bakah lawmman dang ngaihtuah a ni ang.

Mipa Under 16 leh Under 13-a Mizoram champion-te hi Northeast Final Round khel turin an tling ang a, a sensote SPT Sports lamin a tumsak ang.

Tun ṭumah hian Under 16 Boys (July 01, 2002 hnu lama piang) leh Under 13 Boys (July 01, 2005 hnu lama piang)-ah team 32 ve ve chiah a tel theih dawn a, form thehlut hmasa team 32 lak an ni ang. Girls Under 16 (July 01, 2002) hnu lama piang intihsiakna a awm bawk ang a, hetah hian team tel thei zat bithliah a awm lo.

Kum chhinchhiahna atan Adhar card hman tur a ni a, kum dik lo (document lem) man chhuah a nih chuan team disqualify bakah MFA hnuaia inkhel zui thei lo tura hrem theih an ni ang.

Mipa (U-16 & U-13) inelna lawmman:
1) Winners: Rs. 26,000 + Trophy
2) Runners Up: Rs. 16,000 + Trophy
3)  Semi-finalist (each: Rs. 2,500 cash)
4) Winning Coach: Rs. 3,000
5) Highest Goal Scorer Trophy
6) Best Goal Keeper Trophy
7) Best Manager/Coach Trophy
8) Fair Play Team Trophy