Bastianini a chak hmasa ber

MotoGP 2022 season chu Pathianni zan khan tlan ṭan a ni a, rider langsar tak tak karah Enea Bastianini a tlan chak ber. Italian tlangval hian Gresini bike a khalh a, bike intlansiakna sang berah a vawi khat nan hnehna a chang.

Kum 24 mi Bastianini hnungah hian Brad Binder a thleng. Vawi ruk champion tawh Marc Marquez chu pangana niin, champion lai Fabio Quartarar chu pakuana a ni phak hram - season hmasa aiin inelna a ngaihnawm dawn niin a lang.

Hnehna changtu Bastianini chuan a chak chu Fausto Gresini tan a hlan. Gresini hi an team dintu a ni a, bike a khalh lai chuan 125cc world champion vawi hnih a ni hman a, nikum khan kum 60 mi niin Covid-19 vangin a thi.