Suns ngamtu Bucks

NBA regular season kal laia team ṭha leh kaltluang ber Phoenix Suns chuan ngam loh an tawng. Nimin zing inkhelah Suns hi an khingpui Milwaukee Bucks lakah 132-122 in an tlawm.

NBA champion lai Bucks tan Khris Middleton-a'n point 44 a nei a, tun season khelh tawh chinah match khata point a neih hnem ber ṭum a ni; rebound vawi riat lain assist ṭum nga a nei tel bawk.

Jrue Holiday-a'n point 24 a nei bawk a, quarter hnuhnung berah Bucks hi 12-1 ngawtin an kal fal thei a, inkhel inhnehtawk taka an chungnun theih chhan a ni - tun hnaiah a zawnin vawi li an chak tling ta chiah.

Nimin zing inkhel dangah New York Knicks chuan match sarih an tlawm hnuin Los Angeles Clippers 116-93 in an hneh. Utah Jazz pawhin Oklahoma City Thunder 116-103 in an hneh ve bawk.

NBA - Nimin Results
Memphis Grizzlies 112 - 123 Houston Rockets
Utah Jazz 116 - 103 Oklahoma City Thunder
Toronto Raptors 96 - 104 Cleveland Cavaliers
New Orleans Pelicans 130 - 138 Denver Nuggets
New York Knicks 116 - 93 Los Angeles Clippers