Granada-in coach Moreno an ban

La Liga club Granada-in kartawp khan Valencia 3-1 in an hneh lo a, an coach Robert Moreno an ban. Nazaries (Granada sawina) hian kuminah chak an la nei lo a, match hnuhnung pakuaah vawi ruk an chak lo a, vawi thum an inhnehtawk.

Granada hi table-ah 17-naah an awm a, tla thei china awm Cadiz aiin point khat chiahin a hmu tam zawk. Spanish club chuan, "Inrinni khan club chuan first team coach nena inṭhen turin thutlukna a siam. Robert Moreno chungah a hnathawh avangin kan lawm a, a kal zelna turah duhsak kan hlan," tiin thuchhuah an siam.

Kum 44 mi Moreno hian Romas, Celta Vigo, Barcelona leh Spain tan assistant coach hna a chelh a, Luis Enrique-a'n a fanu damlohna avanga chawlh a lak chhungin La Roja a enkawl tawh bawk.

Moreno hian Euro 2020-ah Spain enkawl a duh a, amaherawhchu Enrique-a'n a laka rinawm loah ngaiin assistant coach aṭangin a ban ta zawk. Spanish coach Moreno hian Monaco leh Granada enkawl zui a, ban a tawk ve ve.