India-in Sri Lanka an sawp

India-in ṭhenawm Sri Laka lakah T20 series 3-0 in an la a, Test match hmasa berah innings leh 222 runs-in an sawp leh bawk. Test match vawi hnihna hi March 12-16 inkar hian khelh leh a ni ang.

Punjab Cricket Association Stadium-ah ṭhumvawra vannei India-in bat hmasak an thlang. Ravindra Jadeja-a'n thi loin 175 runs tehmeuh a siam a, Rishabh Pant-a'n 96 runs a siam bawk.

India-in 574 runs an siamin wicket riat an hloh a, captain Rohit Sharma-a'n chakpui thamah ngaiin a duhtawk. Sri Lanka bat hun a thleng a, Ravindra Jadeja (41/5) leh Jasprit Bumrah (36/2) te ngam loin first innings-ah 174 runs chauh an siam.

India-in Lions hi an 'follow on' tir a, mikhual team tan draw pawh a harsa tawh. Ravindra Jadeja bawk a rawn che ṭha a, wicket li lain 46 runs chauh a pe a, Ravichandran Ashwin-a'n wicket li (47/4) rawn la bawkin Men in Blue-in Sri Lanka hi 178 runs an siam tihin an vawm hlum vek.

Innings pahniha Sri Lanka run siam belhkhawmin India run siam hi 222 runs in a la pha lo a, Rohit Sharma hote an chak chiang hle.