A sang pali zingah Hoffenheim

8th March, 2022

Pathianni zan Bundesliga inkhelah Hoffenheim-in an mikhualna hmun RheinEnergie-Stadion-ah mualneitu FC Cologne chu Stefan Posch goal hmangin 1-0 in an hneh.

Hoffenheim hian point thum hlu tak an hlawhchhuah avangin RB Leipzig zuan khumin palinaah an awm. Leipzig hi Inrinni zan khan paruknaa awm SC Freiburg nen 1-1 in an inhnehtawk a, Champions League khel thei lo dinhmunah an ding.

Mizorama rawn zin tawh Hoffenheim hian March 12, Inrinni hian champion lai Bayern Munich an mikhual dawn a, palinaa awm zui a har ang.