Covid-19 vangin inkhel ṭhulh

Ukraine team zinga mi player pathum chu Covid-19 positive an awm avangin team pumpui khung hran an ngai a, hemi a nih avang hian Thawhlehni zana Switzerland nen Nations League-a an inkhel tur chu ṭhulh a ni.

Ukraine player pathum hi Eduard Sobol, Yevhen Makarenko leh Dmytro Riznyk te an ni. Ukrainian Association of Football (UAF) chuan, "UEFA, UAF leh Swiss Football Association ten inkhelh tih tlang duh mah ila tualchhung lama thuneituten an remti lo," tiin thuchhuah an siam.

UEFA-in inkhelh leh hun turah ruahmanna a siam a, Ukraine leh Switzerland te an remchang lo a nih chuan UEFA lamin an kal zel dan turah thutlukna a siam ang. Switzerland hian Ukraine hi an hneh a nih chuan relegate an la pumpelh thei a, hemi a nih avang hian inkhel result hian pawimawhna a la nei.