Dias-a'n Portugal chakpui

Manchester City defender Ruben Dias chuan Nations League inkhel hmuhnawm takah goal hnih a khung a, Portugal-in Croatia 3-2 in an hneh.

Stadion Poljud, Split-a inkhel hi Portugal tan a pawimawhna a awm tawh lo a, Croatia tan erawh Nations League khel zel turin point hmuh a pawimawh. 

Croatia-in Mateo Kovacic hmangin minute 29-naah khung hmasa mah se minute 51-naah Marko Rog-a'n Cristiano Ronaldo a tlawh avangin hnawhchhuah a ni.

Portugal-in freekick hi hmang ṭangkai nghalin minute 52-naah Ruben Dias-a'n siphurh a sut. Joao Felix-a'n minute 60-naah hmahruaina goal khung leh mah se Croatia-in minute 65-naah Kovacic hmangin an sut.

Minute 90-naah Man City defender Ruben Dias-a'n chakna goal a khung a, Croatia-in a chhanletna hun an nei tawh lo. Luka Modric te ram an vannei a, inkhel dangah France-in Sweden an hneh sak avangin an relegate dawn lo.