Philippe Coutinho a inhliam

Barcelona chuan an player pawimawh Philippe Coutinho inhliam thu an puang a, Brazilian playmaker hi kar hnih emaw kar thum tal a chawlh a ngaih tur thu an sawi.

Ningani zing khan Barcelona hian an player dinhmun hi an en chiang a, a ke veilamah hliam a tawrh avangin a chawlh tur thu hi an puang ta a ni.

Catalan club hian Pathianni zan dar 8:45-ah Premier League match khel turin Real Betis an mikhual dawn a, Coutinho hi a inlan thei dawn lo tihna a ni.

Puanchhuah a nih angin kar hnih chauh chawl pawh ni se La Liga-ah Atletico Madrid a hmachhawn thei lo chhunzawm ang a, Champions League-ah PSV Eindhoven a hmachhawn thei lo bawk ang.

Barcelona tan lungngaih lutukna tur erawh a awm lo. Ousmane Dembele chu Coutinho hmun ruak luah turin a awm reng a, Inter Milan laka goal khungtu Malcom an la nei cheu bawk.

Barca thiampuipa Lionel Messi inhliam chuan ziaawm lam a pan zel bawk a, Pathianni zanah a inlan tawh a nih pawhin a mak lo ang.