Lewis Hamilton-a'n himna a duh

Lewis Hamilton chuan Pathianni zan dar 10:40-a Brazilian Grand Prix an tlan huna venhimna ṭha zawk an kalpui a beisei a, inelna neih laiah champion chiang tawh mah se atan hnehna chan a la pawimawh thu a sawi bawk.

Season hmasa khan Hamilton leh Mercedes team chu intlansiakna track an chhuahsan hnuah buaina an tawk a, khatiang thil kha thleng nawn tawh lo se a duh a ni. Mercedes driver chuan, "F1 thuneitu lamin nikuma thil thleng kha an hria a, kuminah chuan a thlen nawn tawh loh ka beisei," a ti.

Mexico Grand Prix an tlan zawhah Hamilton hi a vawi nga nan driver champion a ni a, nikumah pawh intlansiak hmabak nei chungin a champion. Mahse, a champion hnua in­lena a hmachhawn hoah hnehna a chang tawh miah lo.

Britain tlangval Hamil­ton chuan, "Intlansiak hnu­hnung pahnih kan hma­chhawnah khan beisei kan phak lo a, kan elpui Ferrari leh Red Bull kan umphak lo. Kan hmabak pahnihah hian eng nge rawn thleng dawn la hre lo mah ila hnehna kan chan ka beisei. Inelna a la zo lo a, fans lam pawhin in­tlansiak hmuhnawm en an phu a ni," tiin a sawi.